Ağstafada ölümlə nəticələnən yol-nəqliyyat hadisəsi baş verib. Bu haqda İnsanoid 23 dekabr tarixində Report-a istinadən xəbər verir.
Hadisə Bakı-Qazax-Gürcüstan Respublikası avtomagistralının 454-cü kilometrliyində, Ağstafa rayonunun Qırlı kənd yolunda qeydə alınıb.
İlkin araşdırmalar nəticəsində sürücü, 34 yaşlı Aqil Alıyevin idarə etdiyi "Hyundai" markalı avtomobilin idarəetməni itirərək yol kənarındakı ağaca çarpılması və sürücünün ölməsi müəyyən edilib.
A.Alıyev Qazax rayon Polis Şöbəsinin Dövlət Yol Polisi Bölməsinin İnzibati Təcrübə üzrə baş inspektoru, polis leytenantıdır.
Hadisə ilə bağlı Ağstafa rayon Prokurorluğunda araşdırmalar davam etdirilir.
