Ağdamın işğaldan azad edilən ərazilərinə müvafiq icazələri olmadan daxil olmaq istəyən iki nəfər saxlanılıb. Bu barədə martın 28-də Report xəbər paylaşıb.
Ağdam rayonunun Əhmədağalı kənd sakinləri işğaldan azad edilən yerlərə keçməyə cəhd göstərərkən tutulublar. Polis onlarla izahedici söhbətlər aparıb. Lakin sözügedən şəxslər minalardan tam təmizlənməmiş ərazilərə daxil olmağa cəhdlərini davam etdiriblər.
Onlar 10 gün müddətinə inzibati qaydada həbs ediliblər.
