Səudiyyə Ərəbistanının paytaxtı Ər-Riyad şəhərində keçirilmiş Qlobal Sahibkarlıq Konfransında Azərbaycan startapları öz layihələrini xarici investorlara təqdim edib. Bu barədə 31 mart tarixində Kiçik və Orta Biznesin İnkişafı Agentliyinin rəsmi səhifəsində məlumat verilib.
Məlumata əsasən, tədbirdə dünyanın müxtəlif ölkələrindən yüzlərlə startap iştirak edib. Ölkəmizi Ər-Riyadda "Unibroad" MMC və "Supply Chain Community" MMC təmsil edib. Konfrans çərçivəsində startapçılarımız xarici investorlarla bir sıra görüşlər keçirib.
Qeyd edək ki, Qlobal Sahibkarlıq Konfransı 27-30 mart tarixlərində keçirilib.
