“Bölgədə sülh və sabitliyin təmin ediməsinin yeganə yolu imzalanmış bəyanatların müddəalarının icrası, o cümlədən erməni qanunsuz birləşmələrinin qalıqlarının bölgədən tam çıxarılması və beynəlxalq hüquq prinsipləri əsasında münasibətlərin normallaşmasından ibarətdir”. Bu, Xarici İşlər Nazirliyinin martın 25-də dərc edilmiş açıqlamasında bildirilib.
Qeyd olunub ki, Ermənistan XİN martın 24-də guya bölgədə vəziyyətin gərginləşməsi ilə bağlı Azərbaycana qarşı ittihamları əks etdirən bəyanat yayıb. Azərbaycan Müdafiə Nazirliyinin məlumatına görə, bölgədə mövqelərin və dislokasiya yerlərinin dəqiqləşdirilməsi aparılır və hər hansı isteriyaya əsas yoxdur: “Ermənistan tərəfi isə məsələni süni şəkildə şişirdərək dezinformasiya ilə məşğuldur”.
XİN xatırladıb ki, Ermənistan uzun illər Naxçıvan Respublikasını qaz blokadasında saxlayıb, 30 ilə yaxın Sərsəng su anbarından istifadə etməklə su terrorunu törədib və 1990-cı illərdə itkin düşən minlərlə azərbaycanlının taleyini gizlədib.
“İndi siyasi manipulyasiya yox, real işlə məşğul olmaq zamanıdır”, - deyə qurumdan əlavə edilib.
