Azərbaycanda həqiqi hərbi xidmətə növbəti çağırış və müddətli həqiqi hərbi xidmət hərbi qulluqçularının ehtiyata buraxılmasına başlanılıb. Bu haqda Səfərbərlik və Hərbi Xidmətə Çağırış üzrə Dövlət Xidmətindən aprelin 1-də məlumat verilib.
Çağırış Prezident İlham Əliyevin 2022-ci il fevralın 18-də imzaladığı sərəncama əsasən həyata keçirilir.
Sərəncama əsasən, 2004-cü ildə doğulmuş və çağırış gününədək 18 yaşı tamam olmuş, habelə 1987–2003-cü illərdə doğulmuş, yaşı 35-dək olan və müddətli həqiqi hərbi xidmət keçməmiş şəxslərin xidmət yerlərinə göndərilməsinə başlanılıb.
Bu proses aprelin 30-dək davam edəcək.
