Azərbaycanda karantin qaydaları yumşaldılsa da, maska və COVID-19 pasportu ilə bağlı tələblər qüvvədədir. Bəs ölkəmizdə bu qadağalar ləğv edilə bilərmi? Bu haqda aprelin 6-da Ümumdünya Səhiyyə Təşkilatının Azərbaycan Nümayəndəliyinə istinadən Trend məlumat verib.
“Maskadan istifadə və digər məhdudiyyətlərlə bağlı qərarlar epidemioloji vəziyyət nəzərə alınaraq verilir. Maska taxmaq, xüsusilə, qapalı yerlərdə virusa yoluxmanın qarşısını almaq üçün vacibdir”, - deyə təşkilatdan bildirilib.
Həmçinin qeyd edilib ki, Azərbaycanda maskadan istifadənin ləğv edilməsi yoluxma hallarının sayından asılı olaraq veriləcək.
Ölkədə son sutka ərzində 36 yoluxma faktı qeydə alınıb. Bu günə qədər vurulan vaksinlərin ümumi sayı isə 13 milyondan çox təşkil edib.
