Azərbaycan qadınları İrandakı etirazlara dəstək nümayiş etdiriblər. Bununla bağlı sosial şəbəkələrdə video paylaşılıb.
Gənc xanımlar İrandakı etiraz aksiyalarında öldürülən və həbs edilən qadınlara dəstək olaraq saçlarını toplayırlar.
Qeyd edək ki, saç toplamaq aksiyası Güney azərbaycanlı Hədis Nəcəfinin qətlindən sonra yayılıb. Belə ki, Nəcəfi İrandakı aksiyaların yeni simvoluna çevrilmişdi. Sosial şəbəkələrdə Hədis Nəcəfinin saçlarını yığaraq aksiyaya qoşulması barədə görüntülər yayılıb. Onun hicabsız halda cəsarətlə aksiyaya qatılması böyük maraqla qarşılanmışdı.
Nəcəfinin ölümündən sonra sosial şəbəkələrdə “Məhsa Əmini ilə başladı, Hədis Nəcəfi ilə davam edir” kimi şüarlar səsləndirilib.
İndiyədək etirazlarda 200-dən çox etirazçı öldürülüb, minlərlə insan həbs edilib. Onların arasında gənc qadınlar da var. İranda küçələrə, meydanlara çıxaraq etiraz edən qadınlar baş örpəklərini açırlar.
Həmin görüntüləri təqdim edirik:
[playlist type="video" ids="95890"]
