Salyan polisi qanunsuz ov edən 3 nəfəri saxlayıb. Bu barədə İnsanoid Daxili İşlər Nazirliyinə istinadən bu gün, 14 dekabr tarixində xəbər verir.
Dekabrın 13-də Qaraçala kəndi ərazisində qanunsuz ov edən 3 nəfər saxlanılıb. Onların Şirvan şəhər sakinləri M.Rzayev, T.Eyvazov və Y.Məmmədov olmaları məlum olub.
M.Rzayevdən müvafiq sənədləri olan “ATA ARMS” markalı, T.Eyvazovdan isə qanunsuz saxladığı “İJ” markalı ov tüfəngləri götürülüb.
Şəmkir Rayon Polis Şöbəsinin əməkdaşları isə həmin gün “Ceyrançöl” adlanan ərazidə qanunsuz ov edən Keçili kənd sakini Ş.Abbasovu və Cəlilabad rayon sakini H.Abbasovu saxlayıblar.
Onlardan müvafiq sənədləri olan 2 ədəd “TOZ” markalı ov tüfəngi və 35 ədəd patron götürülüb.
