Azərbaycan əsilli bədii gimnast Lala Kramarenko Rusiya çempionu olub. Bu barədə Report 28 fevral tarixində xəbər verib.
19 yaşlı idmançı Moskvada keçirilən turnirdə halqa, top, gürz və lentlərlə hərəkətlərdə uğurlu çıxış edib.
O, halqa ilə 40.45, topla 38.5, gürzlə 39.65, lentlə hərəkətlərdə isə 40.50 xalla birinci yeri tutub.
Lala Kramarenko 4 növdə ölkə çempionu tituluna sahib çıxıb.
Lala Kramarenko futbol üzrə Azərbaycan millisinin keçmiş üzvü, həmçinin yığmanın və Rusiyanın MOİK komandasının qapıçılar üzrə məşqçisi Dmitri Kramarenkonun qızıdır.
