Türkiyənin Kahramanmaraş şəhərində baş vermiş zəlzələ ilə əlaqədar qardaş ölkəyə gedən Azərbaycanın 760 axtarış-xilasetmə heyətindən 238 nəfəri Bakıya yola salınıb. Bu barədə İnsanoid Türkiyə KİV-yə istinadən bu gün, 1 mart tarixində xəbər verir.
6 fevral tarixində Türkiyə ərazisində baş verən zəlzələyə kömək əlini uzadan ilk ölkələrdən biri Azərbaycan oldu.
Xilasedicilərimiz Vətənə xüsusi mərasimlə yola salınıblar.
Fövqəladə hallar nazirinin müavini Etibar Mirzəyev agentliyə açıqlamasında bildirib ki, zəlzələdən dərhal sonra Azərbaycan Prezidentinin göstərişi ilə 760 nəfərdən ibarət xilasetmə qrupu yaradılıb.
Onun sözlərinə görə, zəlzələnin ilk günündən etibarən azərbaycanlı xilasedicilər 3 növbəli şəkildə işlərini davam etdiriblər: “Axtarış-xilasetmə işləri çərçivəsində qruplarımız 17-si uşaq olmaqla 53 nəfəri dağıntılar altından sağ çıxarıb, 174-ü uşaq olmaqla 755 meyit tapıb. Bundan başqa, Kahramanmaraşda iki səhra xəstəxanamız var, 2 mindən çox insan orada müalicə olundu. Buraya gələrkən qarşılaşdığımız mənzərə dəhşətli idi. Türkiyə xalqı qəhrəman xalqdır”.
[caption id="attachment_107568" align="alignnone" width="696"]
Foto Ensonhaber.com saytı[/caption]
