Ötən ildə Azərbaycana 178 ölkədən 1 602,3 min və yaxud 2021-ci illə müqayisədə 2 dəfə çox əcnəbi və vətəndaşlığı olmayan şəxs gəlib. Bu barədə 18 yanvar tarixində Dövlət Statistika Komitəsi məlumat verib.
Məlumata əsasən, gələnlərin 27,9%-i Rusiya, 19,5%-i Türkiyə, 10,6%-i İran, 6%-i Səudiyyə Ərəbistanı, 5,1%-i Gürcüstan, 3,8%-i Hindistan, 3,2%-i Pakistan, 2,6%-i Birləşmiş Ərəb Əmirlikləri (BƏƏ), 1,9%-i Qazaxıstan, 1,7%-i Ukrayna, 1,6%-i Özbəkistan, 1,5%-i İsrail, 1,4%-i Küveyt, hər birindən 1,2% olmaqla Oman və Belarus, 10,8%-i digər ölkələrin vətəndaşları olub.
Qonaqların 74,8%-ni kişilər, 25,2%-ni qadınlar təşkil edib.
Omandan gələnlərin sayı 20,4 dəfə, Pakistandan 17,5 dəfə, Səudiyyə Ərəbistanından 10,9 dəfə, Gürcüstandan gələnlərin sayı 31,2% artıb.
