Azərbaycandan Gürcüstan və Rusiyaya sulfat turşusunun ixracına başlanılır. Bu haqda 26 yanvar tarixində Report məlumat verib.
Sumqayıt Kimya Sənaye Parkının rezidenti - "Azərsulfat" MMC Gürcüstan və Rusiyaya sulfat turşusunun ixracına başlayır. Şirkətin direktoru Emin Quliyevin sözlərinə görə, ilk partiyada Gürcüstana 250-300 ton, illik isə 7 500 ton həcmində sulfat turşusu göndəriləcək. Rusiyaya isə illik ixracın həcmi 6 min ton təşkil edəcək.
Artıq sulfat turşusunun xaricə satışı üçün sənədləşmə işlərinə başlanılıb. Gürcüstanın Rustavi Azot Müəssisəsi ilə müqavilə bağlanılıb, Rusiyanın bir neçə müəssisəsi ilə də danışıqlar aparılır.
Qeyd edək ki, "Azərsulfat"ın ərazisi 1,5 hektar olan zavodunun təməli 18 yanvar 2021-ci ildə qoyulub. Müəssisədə 36 iş yeri yaradılıb.
