Türkiyədə baş vermiş zəlzələ ilə bağlı qardaş ölkəyə gedən Azərbaycanın Fövqəladə Hallar Nazirliyinin (FHN) bir qrup əməkdaşı Kahramanmaraş şəhərinə çatıb. Bu barədə Apa 7 fevral tarixində məlumat verib.
Günün ikinci yarısından sonra Adananın Şakir Paşa Hava Limanından yola düşən Azərbaycanın xilasediciləri artıq Kahramanmaraşa gəliblər.
Azərbaycan FHN-in əməkdaşları baş vermiş zəlzələlərin nəticələrini aradan qaldırmaq üçün hazırda hadisə yerindədirlər.
Azərbaycan Prezidenti İlham Əliyevin tapşırığına uyğun olaraq, Türkiyədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə FHN-in 420 nəfər şəxsi heyəti qardaş ölkəyə göndərilib.
