Azərbaycanlı stolüstü tennisçi Yağmur Məmmədli Türkiyədə keçirilən beynəlxalq turnirin finalçısı olub. Bu haqda bu gün, 21 mart tarixində Stolüstü Tennis Federasiyanın mətbuat xidməti məlumat verib.
Antalyada yeniyetmələr arasında keçirilən “Pro Tour”un qrup mərhələsini 2-ci pillədə başa vuran idmançı 1/4 finalda Duru Kırbacı, yarımfinalda isə Gülce Dönməzi mübarizədən kənarlaşdırıb.
Finalda digər türkiyəli idmançı Nil Başarana 2:3 hesabı ilə uduzan Məmmədli turnirin gümüş mükafatçısı olub.
