Kommunal xidmətləri həyata keçirən qurumlar bayram günlərində gücləndirilmiş iş rejimində çalışacaqlar. Bu barədə İnsanoid qurumların mətbuat xidmətinə istinadən bu gün, 30 dekabr tarixində xəbər verir.
31 Dekabr – Dünya Azərbaycanlılarının Həmrəyliyi Günü və Yeni il bayramı ilə əlaqədar "Azəristiliktəchizat" ASC, “Azərsu” ASC və “Azəriqaz” İstehsalat Birliyi bayram günlərində gücləndirilmiş iş rejimində çalışacaq.
Vətəndaşlar yaranan problemlə bağlı "Azəristiliktəchizat"ın 956 - "Çağrı Mərkəzi"nə və ya cəmiyyətin rəsmi sosial şəbəkə hesablarına müraciət edə bilərlər.
Yaranacaq problemlərlə əlaqədar “Azərsu”nun 955 - Zəng Mərkəzinə müraciət etsinlər", - deyə qurum bəyan edib.
Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin Müştəri Xidməti şöbəsinin əməkdaşları Abşeron, Mərdəkan, Sabunçu xidmət sahələrində və BRQSD-nin inzibati binasında vətəndaşlara xidmət göstərəcəklər.
24/7 rejimində fəaliyyət göstərən 104/185 Çağrı Mərkəzinin fəaliyyəti gücləndiriləcək.
Qaz təsərrüfatına dair abonentləri narahat edən hər hansı məqam olarsa, 104/185 Çağrı Mərkəzinə zəng edə, 077 3 104 104 saylı “Whatsapp” nömrəsinə yazmaqla məlumat verə bilərlər.
