Babək rayonunun Cəhri kəndində dəm qazından iki nəfər zəhərlənib. Bu barədə Apa 18 yanvar tarixində xəbər verib.
Kənd sakinləri Şirzan və Süleyman Əhmədovlar dəm qazının sızması nəticəsində zəhərləniblər. Onlar Naxçıvan Muxtar Respublika Xəstəxanasına yerləşdiriliblər.
Digər zəhərlənmə halı isə Babək rayonunun Şəkərabad kəndində qeydə alınıb.
Kənd sakini Nərgiz Allahverdiyeva yaşadığı ünvanın hamam otağında dəm qazından zəhərlənib. Xəstəxanaya yerləşdirilən zərərçəkənin vəziyyəti sabitdir.
Hər iki faktla bağlı araşdırma aparılır.
