Paytaxtın ictimai-iaşə obyektlərində qaz balonları ilə bağlı monitorinqlərə başlanılıb. Bu barədə aprelin 5-də Bakı Şəhər İcra Hakimiyyətindən Report-a bildirilib.
Yoxlamaların məqsədi gələcəkdə baş verə biləcək hadisələrin qarşısının alınması və burada çalışan işçilərin maarifləndirilməsidir.
Obyektlərin mətbəx və digər sahələrinə baxışlar keçirilib, qaz balonları və digər qızdırıcıların, elektrik təsərrüfatının, havalandırma və digər sistemlərin vəziyyəti araşdırılıb. Bəzi nöqsanlar aşkar edilib və bu barədə obyekt rəhbərliyi məlumatlandırılıb.
Təhlükəsizlik texnikası qaydaları tələblərinə düzgün riayət edilməsi ilə bağlı işçilərlə maarifləndirici söhbətlər aparılıb.
Monitorinqlərin paytaxtın bütün ictimai-iaşə obyektlərində aparılması nəzərdə tutulub.
[URIS id=40634]
