Bakıda zəncirvari yol qəzası olub, üç avtomobil toqquşub. Bu barədə aprelin 7-də Report məlumat yayıb.
Hadisə Novxanı-Sumqayıt avtomobil yolunun Binəqədi rayonunun Novxanı qəsəbəsində qeydə alınıb. Hərəkətdə olan “Volkswagen Passat”, “Prado” minik avtomobilləri və yük maşını toqquşub. Hər üç nəqliyyat vasitəsinə ciddi ziyan dəyib. Ölən və xəsarət alan olmayıb.
Faktla bağlı araşdırma aparılır.
