“Mənim gündəliyim” oxu və yaradıcılıq müsabiqəsi keçirilir. Bu haqda aprelin 2-də Azərtac məlumat yayıb.
Müsabiqə Bakı Şəhəri üzrə Təhsil İdarəsi tərəfindən təşkil edilir. Məqsəd istedadlı və mütaliəyə marağı olan şagirdlərin üzə çıxarılması və onlara dəstək göstərilməsidir.
Müsabiqədə I-VII siniflər və VIII–XI siniflər üzrə şagirdlər iştirak edəcəklər.
Birinci mərhələdə şagirdlər məktəb kitabxanalarından istifadə etməklə Azərbaycan və dünya ədəbiyyatından əsərləri oxuyaraq gündəlik hazırlayacaqlar.
Ümumilikdə 15 şagird qalib adını qazanacaq.
