"Bakı Metropoliteni" QSC-nin "Xalqlar Dostluğu" stansiyasında sərnişin vəfat edib. Bu barədə Report 19 aprel tarixində xəbər verib.
Qurumun mətbuat xidmətinin rəhbəri Bəxtiyar Məmmədovun verdiyi məlumata əsasən, "Dərnəgül-Həzi Aslanov" marşrutu üzrə hərəkət edən qatarın maşinistinə bir kişi sərnişinin özünü pis hiss etməsi barədə məlumat verilib.
Dispetçerə daxil olmuş məlumat əsasında, sərnişin "Xalqlar dostluğu" stansiyasında düşürülüb, təcili tibbi yardım çağırılıb. Amma onun qatardan düşürülənə qədər dünyasını dəyişdiyi məlum olub.
