"Həzi Aslanov-İçərişəhər" marşrutu üzrə hərəkət edən qatarda nasazlıq ehtimalı ilə baxış keçirilməsi zərurəti yaranıb. Bu barədə Report 13 yanvar tarixində məlumat verib.
Saat 7:26-da Bakı metrosunda qatarda nasazlıq yarandığına görə sərnişinlər "28 May" stansiyasında düşürülüblər. "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov faktı təsdiq edib.
Təlimat tələbinə uyğun olaraq, sərnişinlər düşürülüblər və qatar "İçərişəhər" stansiyasında baxış-dayanma dalanı olmadığı üçün ən yaxın məntəqə kimi "Nərimanov" elektrik deposuna göndərilib:
"Əvəzinə depodan qatar verilib və xətlər üzrə ehtiyat qatar da hərəkət edib. Depoya göndərilən qatara baxış keçirilib, problem aşkarlanmayıb və marşrutlardan biri üzrə xəttə veriləcək",- məlumatda vurğulanıb.
