Bakıda və Naxçıvanda qardaş ölkəyə yardım toplanması üçün müraciət edilib. Bu barədə İnsanoid bu gün, 7 fevral tarixində xəbər verir.
Güney AzFront-un məlumatına əsasən, Türkiyənin Azərbaycandakı səfirliyi zəlzələdən zərər çəkənlərə humanitar yardımla bağlı Azərbaycan vətəndaşlarına müraciət edib:
“Zərərçəkənlərin, əsasən, qış paltarları, o cümlədən gödəkçə, şalvar, əlcək, coraba ehtiyacları var. Bundan başqa, çətin vəziyyətdə olan insanlara çadır, yataq, yorğan, döşək, əl fənəri, generator, poverbank, təmizlik alətləri lazımdır.
Yardımlar Bakı şəhəri, Babək prospekti, 27 ünvanında, “Doğtaş” mebel mağazasında toplanır.”
Türkiyənin Naxçıvandakı Baş konsulluğu zəlzələdən zərər çəkənlərə yardımla bağlı muxtar respublika sakinlərinə müraciət edib.
Fevralın 6-da Türkiyədə baş vermiş zəlzələdən zərər çəkmiş insanlara muxtar respublika sakinləri də yardım edə bilərlər.
Zəlzələ bölgəsində ehtiyac olan ləvazimatlar əsasən geyim, çadır, yataq, qızıdırıcı avadanlıqlar və azyaşlı uşaqlar üçün lazım olan əşyalardır.
Sözügedən ləvazimatların şəxsən və ya karqo yolu ilə Baş konsulluğa çatdırılması mümkündür.
Yardımlar Naxçıvan şəhəri, Heydər Əliyev prospekti, 17 ünvanında toplanır.
Toplanan ehtiyaclar:
[caption id="attachment_104575" align="alignnone" width="640"]
Foto açıq mənbədən[/caption]
