Bakıda, 173 saylı məktəbin qarşısında şagirdi döyüb qolunu sındırdılar. Bu barədə 31 yanvar tarixində Baku.es Telegram kanalı məlumat verib.
Belə ki, hadisə Yasamal rayonu N.Tusi adına 173 saylı orta məktəbin qarşısında olub. N.Nərimanov küçəsində, məktəbin qarşısında Əli adlı şəxs xuliqanlıq zəminində 2008-ci il təvəllüdlü A.Quliyevi (ad-soyad şərtidir) döyüb. Nəticədə həmin məktəbin şagirdi olan yeniyetmənin qolu sınıb.
O, xəstəxanaya aparılıb və qolu gipsə qoyulub.
Hadisə ilə bağlı polisə məlumat verilib. Fakt üzrə Yasamal RPİ-nin 26-cı Polis Bölməsində araşdırma aparılır.
