Paytaxtın Xəzər rayonunun Şüvəlan qəsəbəsində silahlı insident zamanı həlak olan polislərin adları açıqlanıb.Bu barədə “Report”a Daxili İşlər Nazirliyinin (DİN) Mətbuat Xidmətindən məlumat verilib.
Qətlə yetirilənlərdən biri polis kapitanı Eldəniz Məmmədov, digərləri isə polis serjantları Mahir Ağayev və Mirəli Heydərovdur.
Qeyd edək ki, 1986-cı il təvəllüdlü keçmiş məhkum Rövşən Oqtay oğlu Allahverdiyev iyunun 24-də polis əməkdaşları tərəfindən saxlanılarkən silahlı müqavimət göstərib. Belə ki, o, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd edib, yaranmış vəziyyətdən istifadə edərək “Lancaster” markalı ov silahından atəş açaraq üç polis əməkdaşını və bir mülki vətəndaşı qətlə yetirib. R.Allahverdiyev polis əməkdaşları tərəfindən zərərsizləşdirilib.
Bakıda 3 polisi öldürən şəxs zərərsizləşdirilib
Bakıda silahlı insident baş verib. Bu barədə İnsanoid Daxili İşlər Nazirliyinin (DİN) və Baş Prokurorluğun yaydığı birgə məlumata istinadən bu gün, 24 iyun tarixində xəbər verir.
Paytaxtın Xəzər rayonunun Şüvəlan qəsəbəsində iyunun 24-də əvvəllər dəfələrlə məhkum olunmuş, axtarışda olan 38 yaşlı Rövşən Allahverdiyev polis əməkdaşları tərəfindən saxlanılarkən silahlı müqavimət göstərilib.
O, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd etmiş, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və 1 nəfər mülki vətəndaşı qətlə yetirmişdir.
Davam etdirilən tədbirlərlə R.Allahverdiyev polis əməkdaşları tərəfindən zərərsizləşdirilmişdir.
Faktla bağlı cinayət işi başlanılıb, istintaq hərəkətləri davam etdirilir.
