Bakının Sabunçu qəsəbəsində partlayış baş verib. Bu barədə Qafqazinfo 31 yanvar tarixində məlumat verib.
Şəhər şosesi döngə 2, ev 8 ünvanında qaz sızması nəticəsində partlayış olub.
Partlayışın təsirindən evin pəncərələri qırılıb, sanitar qovşağının tavanı çöküb. Hadisə zamanı evdə olan Pakistan vətəndaşları - 38 yaşlı Masih İmtiaz, 35 yaşlı Ali Muhammed Faisal, Hindistan vətəndaşları - 32 yaşlı Phulpreet Singh və 21 yaşlı Prem Sagar müxtəlif dərəcəli bədən xəsarətləri alıblar.
Onların Odlar Yurdu Universitetinin tələbələri olduğu və həmin evdə kirayə yaşadıqları bildirilib. Yaralılar xəstəxanaya yerləşdiriliblər.
Faktla bağlı araşdırma aparılır.
