Bakıda yanğın hadisəsi baş verib. Bu barədə İnsanoid FHN-nin mətbuat xidmətinə istinadən bu gün, 11 fevral tarixində xəbər verir.
Fövqəladə Hallar Nazirliyindən verilən məlumata görə, Nizami rayonunda ümumi sahəsi 200 kv.m (hər mərtəbəsi 100 kvadratmetr) olan ikimərtəbəli evin dam örtüyünün taxta atmaları 1 kv.m sahədə qismən yanıb.
Yanğın yerinin kəşfiyyatı zamanı bir nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Evin qalan hissəsi yanğından mühafizə olunub.
