Bakıda kişi 2 yaşlı uşağını və qayınanasını bıçaqlamaqda şübhəli bilinir. Bu barədə 24 noyabr tarixində Report məlumat verib.
Səbail rayonunda 2 yaşlı uşağın bıçaqlanması ilə bağlı bağlı polisə məlumat daxil olub.
Belə ki, noyabrın 23-də Y.Mürsəlov küçəsindəki evlərin birində Yevlax rayon sakini, 1990-cı il təvəllüdlü Saqi Kərimov 1976-cı il təvəllüdlü qayınanasına yüngül, 2020-ci il təvəllüdlü oğluna daxilə nüfuz edən, daha sonra isə özünün boğaz nahiyəsinə bıçaqla xəsarət yetirib.
Polis əməkdaşlarının keçirdiyi tədbirlərlə S.Kərimov xəstəxanada ilkin tibbi yardım göstərildikdən sonra saxlanılıb.
Faktla bağlı cinayət işi başlanıb.
