Bakının Binəqədi rayonunda ağır yol-nəqliyyat hadisəsi qeydə alınıb. Bu barədə Apa 23 yanvar tarixində məlumat verib.
Biləcəri qəsəbəsində - Rəşid İsmayılov, 17 ünvanında yolun piyadalar üçün müəyyən edilməyən hissəsindən əks-tərəfə keçmək istəyən 45 yaşlı Xəyyam Ələsgərovu 02-BL-612 dövlət nömrə nişanlı, "Mercedes" markalı avtomobil vurub.
Hadisəni törədən sürücü Əsədov Ədalət Maqsud oğlu dərhal təcili tibbi yardım briqadasına müraciət edib. Yaralı açıq kəllə-beyin travması və sağ ayaq sümüyünün sınığı diaqnozları ilə Kliniki Tibbi Mərkəzə aparılıb.
Onun vəziyyəti ağır qiymətləndirilir.
Sürücünün izahatını Binəqədi Rayon Polis İdarəsinin əməkdaşları alıblar.
