Bakının iki rayonunda yanğın hadisələri qeydə alınıb. Bu haqda bu gün, 31 dekabr tarixində Fövqəladə Hallar Nazirliyinin (FHN) mətbuat xidməti məlumat verir.
Nərimanov rayonunda ümumi sahəsi 480 kvadratmetr olan 10 boksdan ibarət avtomobil təmiri sexinin 1 boksunun yanar konstruksiyaları, digər boksun yanar konstruksiyaları 30 kvadratmetr sahədə və içərisində təmirə dayanan “Chevrolet” markalı minik avtomobilinin yanar hissələri yanıb.
Digər yanğın Nizami rayonunda ümumi sahəsi 300 kvadratmetr olan meyvə şirəsi istehsalı sexində qeydə alınıb. Belə ki, sex ərazisində sahəsi 20 kvadratmetr olan taxta konstruksiyadan ibarət köməkçi tikili və 10 kvadratmetr sahədə məişət tullantıları yanıb.
Hər iki alışma FHN-in əməkdaşları tərəfindən söndürülüb. Xəsarət alan olmayıb.
