Bakıda zəncirvari qəza olub. Bu barədə 11 mart tarixində Report məlumat verib.
Hadisə paytaxtın Nizami küçəsində qeydə alınıb.
Belə ki, hərəkətdə olan "Toyota Prius" markalı avtomobil idarəetmədən çıxıb və yolun kənarında dayanmış "Hyundai Elantra" markalı maşına çarpılıb. "Hyundai Elantra" markalı avtomobil isə qarşıda dayanmış "Toyota Prius"la toqquşub. Həmin maşın isə digər "Hyundai Elantra" markalı avtomobilə çarpılıb.
Bundan başqa, qəza törədən "Toyota Prius" aşıb.
Hadisə nəticəsində ölən və yaralanan olmayıb, hər 4 avtomobilə ciddi ziyan dəyib.
Araşdırma aparılır.
İlkin məlumata görə, qəza törədən "Toyota Prius" markalı maşını idarə edən sürücü sərxoş vəziyyətdə olub.
[gallery link="file" size="full" ids="108753,108754,108755"]
