Bakının Xətai rayonunun Rahib Məmmədov küçəsi, 20 ünvanında yerləşən Uşaq əyləncə parkındakı fontan dağılıb və uşaqlar üçün təhlükə mənbəyinə çevrilib. Bu barədə 27 mart tarixində Report məlumat verib.
Fontanın üzərində və ətrafında olan dəmir hissələr köhnələrək sınıb.
Bu da parkda təhlükəli şərait yaradıb.
Ərazidə istirahət edən vətəndaşlar isə yaranmış vəziyyətdən narazıdırlar. Sakinlər deyiblər ki, fontan üstü açıq şəkildə olduğu üçün uşaqlar bir neçə dəfə fontanın içərisinə düşüb və xəsarət alıblar. Həmçinin fontan fəaliyyətə başlayanda ətrafı bağlı olmadığından və təhlükəsizlik tədbirləri görülmədiyindən üstündə hərəkət edən uşaqlar suda islanırlar.
Parkın nəzarətçisi Sahib Tağıyevin sözlərinə görə, yaranan təhlükəli vəziyyətlə bağlı Xətai rayon İcra Hakimiyyətinə məlumat veriblər.
Xətai Rayon İcra Hakimiyyətinin şöbə müdiri Pənah İmanov isə "Report"a bildirib ki, məsələdən xəbərdardırlar: "Problemlə bağlı məlumatımız var, yay aylarına qədər fontanın təmir edilməsi nəzərdə tutulub. Təmirə qədər olan müddətdə isə fontanın ətrafında təhlükəsizlik tədbirləri görüləcək".
[gallery link="file" columns="2" size="full" ids="110518,110519"]
