Şəhərsalma və Arxitektura Komitəsinin tikintiyə rəsmi icazəsinin olmamasına, eləcə də Bakı Nəqliyyat Agentliyindən razılıq verilməməsinə rəğmən, Bakının Nərimanov rayonu K.Rəhimov küçəsində yerüstü keçidin tikintisi davam etdirilir. Bu barədə Oxu.az 14 mart tarixində xəbər verib.
Hazırda burada tənzimlənən keçid var, tikinti başa çatacağı təqdirdə onu ləğv edə bilərlər. Bu cür küçədənkənar keçidlərin tikintisi çoxdan köhnəlmiş təcrübədir, nəqliyyat elmi dəfələrlə sübut edib ki, belə keçidlər şəhərdəki tıxacların sayına təsir etmir, onları yalnız növbəti kəsişməyə aparır.
Bundan əlavə, bu keçid ərazidəki səkiləri xeyli daraldır və şəhərdə hərəkət üçün narahatlıq yaradır. Bütün inkişaf etmiş şəhərlərdə əks-islahatlar aparılır, şəhəri piyadalar üçün daha rahat etməkdən ötrü yerüstü və yeraltı keçidləri klassik işıqforlu “zebra” keçidləri ilə əvəz edirlər. Şəhərin insanlar üçün əlverişli olması avtomobildən daha az insanın istifadə etməsi və zaman keçdikcə yollarda tıxacın azalması ilə nəticələnir.
