“Bu gün Azərbaycan əhalisinin sayı 10 milyon 200 min nəfər təşkil edirsə, bu göstəricinin 2040-cı ildə 12 milyon 500 min olacağını hesablayırıq”. Bu fikirləri Baş nazir Əli Əsədov parlamentin martın 17-də keçirilən plenar iclasında hökumətin 2022-ci ildəki hesabatının müzakirəsi zamanı səsləndirilən təkliflərə cavab olaraq deyib.
Bu barədə 17 mart tarixində Report məlumat verib.
Baş nazir bildirib ki, bu il sudan istifadə orta illik 21 milyard kubmetr təşkil edirsə, 2040-cı ildə sudan istifadədə 2,1 dəfə tələbat artaraq, 44 milyard kubmetrdən artıq olacaq”.
“Fermerlərin acığına getməsin, amma sudan istifadə mədəniyyəti formalaşmalıdır. Sahələrin selləmə kimi sulanması vaxtı artıq bitdi. Sudan qənaətlə istifadə etmək lazımdır” - Əli Əsədov əlavə edib.
