Böyük Britaniya minatəmizləmə işində Azərbaycana dəstək göstərməyə davam edəcək. Bu barədə aprelin 1-də APA Böyük Britaniyanın Azərbaycandakı səfiri Ceyms Şarpın sözlərinə istinadən məlumat yayıb.
O bildirib ki, minalanmış ərazilərlə bağlı maarifləndirmə işləri aparılır: “Bəzi insanlar qanunsuz olaraq minalanmış ərazilərə keçib, mina qurbanı olublar. Yol kənarlarında bilbordların quraşdırılması və maarifləndirmə tədbirləri nəticəsində insanların minalarla bağlı bilikləri artıb”.
Səfir Britaniya şirkətlərinin bu sahədə Azərbaycana dəstək göstərdiyini də qeyd edib.
