O, ibtidai təhsilini mədrəsədə alıb. Maddi vəziyyəti ilə bağlı Əliağa Vahid uşaq yaşlarından fəhlə işləyib, sonralar isə xarratlıqla məşğul olub.
18-19 yaşlarından o, şeirlər yazmağa başlayıb və bir müddətdən sonra onları Bakıda çap etdirib. Əliağa Vahid bir müddət “Molla Nəsrəddin” jurnalı ilə əməkdaşlıq edib. Onda bədahətən şeir demək qabiliyyəti var idi. Bu səbədən o, yaradıcılığının ilk illərində meyxana məclislərində iştirak edirdi.
Əliağa Vahid rus şairi Sergey Yeseninlə dost olub. Onlar 1924-cü ildə Bakıda ədəbi məclislərin birində tanış olublar.
Sovet hakimiyyəti illərində qəzəl janrında çox sayda əsər yaratdığından o, “Qəzəlxan” ləqəbi ilə tanınıb. O, “Kupletlər”, “Mollaxana”, “Tamahın nəticəsi” kitablarının, “Əsgər və fəhlə yoldaşlarıma”, “Məktəb nə deməkdir”, “Ucal, mələyim” kimi şeirlərin müəllifidir.
O, 1965-ci il sentyabrın 30-dan oktyabrın 1-nə keçən gecə Bakıda vəfat edib və Birinci Fəxri xiyabanda dəfn edilib.
Əliağa Vahid 2019-cu ildə Azərbaycan Respublikasında əsərləri dövlət varidatı elan edilən müəlliflərin siyahısına daxil edilib.
