Bu il 35 minə yaxın müəllimin sertifikasiya imtahanına cəlb edilməsi nəzərdə tutulur. Bu barədə İnsanoid bu gün, 27 fevral tarixində xəbər verir.
Bu barədə elm və təhsil naziri Emin Əmrullayev keçirdiyi brifinqdə deyib.
Nazirin sözlərinə görə, bu il ibtidai sinif üzrə qalan regionlar və ölkə üzrə Azərbaycan dili və ədəbiyyat fənni üzrə müəllimlərin biliyi yoxlanılacaq.
O bildirib ki, bu il də imtahanlar oxşar qaydada aparılacaq:
"Ötənilki imtahanları təhlil edərək qənaətə gəlmişik ki, bütün fənlər üzrə əlavə 30 dəqiqə də vaxt verilsin.
İmtahanın müddəti 2 saat 30 dəqiqə olaraq müəyyən ediləcək. Ümumilikdə 100 bal olacaq. Yeni qaydalar hələ qüvvəyə minməsə də, artıq bəzi qaydalar dəqiqdir".
