Daşaltı əməliyyatının 31-ci ildönümü münasibətilə Şəhidlər xiyabanı ziyarət olunub. Bu haqda 26 yanvar tarixində Report məlumat verib.
Müharibə veteranları, Daşaltı əməliyyatında şəhid olanların yaxınları və məktəblilər 1992-ci il yanvarın 25-26-da Şuşanın Daşaltı kəndinin erməni işğalından azad olunması üçün həyata keçirilən əməliyyat zamanı şəhid olan hərbçilərin məzarlarını ziyarət ediblər.
Şəhidlərin ruhuna dualar oxunub, xatirələri yad olunub.
Qeyd edək ki, Azərbaycan Ordusunun həyata keçirdiyi, lakin uğursuzluqla nəticələnən Daşaltı əməliyyatından 31 il ötür. Əməliyyat Şuşanın Daşaltı kəndinin erməni işğalından azad olunması məqsədilə aparılıb və 1992-ci il yanvarın 25-i axşamdan 26-sı axşama qədər davam edib.
