“Sadə ağaclar sözünü mürəkkəb söz hesab edən müəllimlər də var. Sertifikasiya imtahanında bu suala, təxminən, 17%-ə yaxın müəllim səhv cavab verib”. Bunu elm və təhsil naziri Emin Əmrullayev Milli Məclisdə “Dövlət ümumtəhsil müəssisələrində işləyən təhsilverənlərin sertifikatlaşdırılması” mövzusunda keçirilən ictimai dinləmədə çıxışı zamanı deyib.
Bu barədə 15 dekabr tarixində Report məlumat verib.
“Ən sadə məsələni həll etmək iqtidarına sahib olmayan müəllim ibtidai sinifdə dərs deyəcəksə, həmin şagirdin qəbul imtahanında hansı yüksək nəticə göstərməsini gözləyə bilərik?”, - nazir bildirib.
