Ötən sutka ərzində 41 yanğına çıxış olub. Bu barədə 24 iyun tarixində Fövqəladə Hallar Nazirliyi məlumat verib.
Ümumilikdə ötən sutka ərzində 2-si azyaşlı olmaqla 7 nəfər, o cümlədən qəza nəticəsində nəqliyyat vasitəsində sıxılı vəziyyətdə qalan 1 nəfər xilas edilib, yanğın zamanı 1 nəfər tüstüdən zəhərlənib.
Həmçinin Bakı şəhəri Sabunçu rayonunun Nardaran qəsəbəsində dənizdə (ən yaxın sularda xilasetmə məntəqəsindən təqribən 5 km aralı, nəzarətsiz ərazi) batan 1 nəfərin meyiti sudan çıxarılaraq aidiyyəti üzrə təhvil verilib.
