Fransız qəzeti "Lagazetteaz.fr"in baş icraçı direktoru Jan-Mişel Brön Fransa Senatının Azərbaycan əleyhinə qəbul etdiyi qətnaməni utancverici hal hesab edib. Bu barədə noyabrın 16-da Trend xəbər verir.
Oktyabrın 3-də bir qrup senator anti-Azərbaycan qətnamə layihəsini Fransa senatına təqdim edib. Bu qətnamə noyabrın 15-də böyük səs çoxluğu ilə qəbul edilib.
Məqalədə müəllif qeyd edib ki, Senatın Fransanın xarici siyasəti üzərində heç bir səlahiyyəti yoxdur və bu halda bu qətnamə heç bir təsirə malik deyil.
Fransız jurnalist məqalədə onu da xatırladıb ki, haqqında bəhs olunan qətnamədə ərazisinin bir hissəsinin işğal olunduğunu və dağıdılmasını, torpaqlarının minalandığını, əhalisinin etnik təmizləməyə məruz qaldığını görən Azərbaycan xalqının 26 illik iztirablarına məhəl qoyulmur.
