Bu gün, aprelin 4-də ölkə ərazisində güclü şimal-qərb küləyi davam edəcək. Sabah səhər saatlarından küləyin zəifləyəcəyi, gündüz mülayim cənub küləyinin əsəcəyi gözlənilir. Bu barədə Milli Hidrometeorologiya Xidmətindən məlumat verilib.
Küləyin maksimal sürəti bəzi yerlərdə 33-38 m/s-ə çatacaq. Qərb küləyinin sürəti Naftalanda 32 m/s, Gəncədə 24 m/s, Ağdam, Tərtərdə 22 m/s, Bərdədə 20 m/s, Qobustan, Şəmkirdə 18 m/s, Kəlvəzdə 17 m/s, Xaçmazda 15 m/s, Bakıda və Abşeron yarımadasında 38 m/s-dək güclənib.
Neft Daşları stansiyasının məlumatına əsasən, dalğanın hündürlüyü 2,6 metrə çatıb.
Qeyd edək ki, külək səbəbindən Xırdalanda 9 saylı məktəbin damı uçub. Qobustanda isə qum fırtınası müşahidə olunur.
