Göyçay şəhərində “E-manat”ın kassasından 32 000 manat oğurlanıb. Bu barədə 4 aprel tarixində Daxili İşlər Nazirliyi məlumat verib.
Məlumata əsasən, cinayət əməlini törədən rayon sakinləri tutularaq istintaqa təqdim ediliblər. Saxlanılan şəxslər əməllərini etiraf edib və oğurladıqları pulun müəyyən hissəsi onlardan maddi sübut kimi götürülüb.
Qeyd olunub ki, oğurluğu əvvəlcədən planlaşdıran gənclər niyyətlərini həyata keçirdikdən sonra əldə etdikləri pulu öz aralarında bölüblər və daha sonra birlikdə Bakı şəhərinə gedərək orada özlərinə ev kirayələyiblər. Saxlanılan şəxslərdən biri ona düşən pulun 4 min manatına özünə motosiklet də alıb.
Faktla bağlı cinayət işi başlanılıb.
