Gələn il yaşayış minimumu və ehtiyac meyarının həddi 246 manat götürüləcək. Bu barədə 18 noyabr tarixində APA məlumat verib.
Bu, Milli Məclisin bu gün keçirilən iclasında müzakirəyə çıxarılan “Azərbaycan Respublikasında 2023-cü il üçün yaşayış minimumu haqqında” və “Azərbaycan Respublikasında 2023-cü il üçün ehtiyac meyarının həddi haqqında” qanun layihələrində əksini tapıb.
Sənədə əsasən, növbəti ildə ehtiyac meyarının həddi 2022-ci illə müqayisədə 23% artaraq 246 manat nəzərdə tutulur. Bununla da 2023-cü ildə ölkə üzrə yaşayış minimumu və ehtiyac meyarının hədləri bərabərləşmiş olacaq.
Qanun layihələri səsə qoyularaq birinci oxunuşda qəbul edilib.
