Bir ailənin üç üzvünü bıçaqlayan şəxs tutulub. Bu barədə İnsanoid DİN-ə istinadən bu gün, 31 yanvar tarixində xəbər verir.
Ötən gün Gəncədə bir ailənin üç üzvünü bıçaqlayan şəxs Sumqayıtda tutulub.
Bununla bağlı DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov məlumat verib.
O bildirib ki, Gəncə Şəhər Baş Polis İdarəsinin 1-ci Polis Şöbəsinin əməkdaşları hadisəni törətməkdə şübhəli bilinən Babək Nəsirovu Sumqayıt şəhərində saxlayaraq istintaqa təhvil veriblər.
Ötən gün 30 yaşlı Elnurə Əlimardanova, 43 yaşlı Elşən Əlimərdanov və 31 yaşlı Elnur Əlimərdanov bıçaqlanma diaqnozu ilə xəstəxanaya yerləşdirilib və cərrahiyyə əməliyyatı olunublar.
Həmin şəxsləri Elnurə Əlimərdanovanın keçmiş həyat yoldaşı Babək Nəsirov yaşadıqları evdə bıçaqlayıb.
