Gürcüstanın Azərbaycandakı fövqəladə və səlahiyyətli səfiri Zurab Pataradze gürcü yazıçısı Nikoloz Barataşvilinin 205 illik yubileyinə, habelə Azərbaycanla Gürcüstan arasında diplomatik münasibətlərin 30 illiyinə həsr olunan tədbirlərdə iştirak etmək üçün Gəncə şəhərinə gedib.
Bu barədə 9 dekabr tarixində Report məlumat verib.
Gəncə şəhər "Məhsəti" Mərkəzində keçirilən mərasimdə yazıçının Azərbaycan dilinə tərcümə edilən "Mirani" kitabı təqdim olunur.
Tədbirdə yerli rəsmilər, mədəniyyət xadimləri və yazıçılar da iştirak edirlər.
