Azərbaycanın AZfront Telegram kanalı (yalnız izləyicilər üçün açıqdır) məlumat verir: 20 noyabr tarixində Ankara vaxtı ilə saat 17:30-da Türkiyənin “Haber Global” telekanalı İrandakı ikiaylıq etirazlar dalğasına və oradakı azərbaycanlıların düşdüyü vəziyyətə həsr olunmuş sənədli film yayımlayacaq.
Eyni zamanda 1979-cu ilin fevral hadisələrinin kinoxronikasının nadir görüntüləri təqdim olunacaq. Həmin vaxt Təbriz azərbaycanlılarının kütləvi nümayişləri nəticəsində İran hakimiyyəti Cənubi Azərbaycanın bu mədəni-tarixi mərkəzinə nəzarəti təxminən bir sutkalıq itirmişdi. Küçələrə çıxmış insanlara qarşı ordu bölmələri, hətta tanklar cəlb edilmişdi. 500-ə yaxın insan həlak olmuşdu. Qarşısı alınsa da, həmin üsyan sonradan baş tutan monarxiyanın devrilməsinə təkan vermişdi.
Filmin promo çarxında qeyd edildiyi kimi, ayətollah rejimi Əlinin (Məhəmməd Peyğəmbərin əmisi oğlu və sirdaşı olub, xaincəsinə hakimiyyətdən məhrum edilib) ilkin davamçılarının ritorikasından istifadə edir, hansılar ki təqib edilirdilər və zülmlərə məruz qalırdılar, əslində isə İran klerikalları özləri tabeliyində olan azərbaycanlıları təqib edir və zülmlərə məruz qoyurlar. "Onlar Azərbaycan türklərinə qarşı müxtəlif hiylələrə əl atırlar. O həddə çatdılar ki, hətta erməniləri dəstəkləməyə başladılar. Azərbaycan türklərinə qarşı təzyiq göstərən, zülm və assimilyasiya siyasəti yürüdən İran bu gün yeni inqilab ilə sarsılıb. İran xalqı azadlığa qovuşacaqmı? Zülmə son qoyulacaqmı?", - promo çarxında qeyd olunur.
Promo çarxı (Bəxtiyar) Vahabzadənin Araz çayı ilə yarı bölünən, Rusiya və Fars imperiyaları arasında 1828-ci ildə imzalanan saziş nəticəsində sərhədin iki fərqli tərəfində qalan azərbaycanlıların birlik simvoluna çevrilən şeirləri ilə tamamlanır.
