Bu gündən Həcc ziyarətinə getmək üçün sənəd qəbuluna başlanılır. Bu barədə 17 mart tarixində APA Qafqaz Müsəlmanları İdarəsinə istinadən məlumat verib.
Həcc ziyarətinə getmək üçün Xarici pasport, şəxsiyyət vəsiqəsinin surəti, 3.5 × 4.5 sm ölçüdə 4 ədəd ağ fonda çəkilmiş rəngli fotoşəkil, sağlamlıq haqqında arayış tələb olunur.
Sənəd qəbulu Qafqaz Müsəlmanları İdarəsinin Bakı şəhəri, Mirzə Fətəli küçəsi, 7 ünvanında yerləşən inzibati binasında aparılır.
Qeyd edək ki, bir nəfərlik ziyarət paketinin qiyməti 5 750 dollar təşkil edir. Builki ziyarət azərbaycanlı zəvvarlar üçün vahid formada təşkil olunacaq və təyyarə reysləri vasitəsilə həyata keçiriləcək.
