Azərbaycanın işğaldan azad edilmiş ərazilərində I Qarabağ müharibəsində itkin düşmüş vətəndaşlarımızın məzar yerlərinin ekshumasiyası işləri davam etdirilir. Bu barədə martın 31-də Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.
Martın 28-də Xocalı rayonundakı Fərrux yüksəkliyində aşkarlanan meyit qalıqlarının şəhid olmuş Azərbaycan hərbçilərinə aid olduğu ehtimal edilir. Həmin meyit qalıqları ekspertizanın aparılması üçün aidiyyəti üzrə təhvil veriləcək.
Bildirilib ki, Fərrux yüksəkliyi uğrunda döyüşlərdə 62 nəfər Azərbaycan hərbçisi itkin düşmüş şəxs kimi Dövlət Komissiyasında qeydiyyata alınıb. Eyni zamanda, Xocalı rayonunun Pirlər kəndində 46 nəfər, Ağdam rayonunun Əliağalı kəndində isə 11 nəfər Azərbaycan hərbçisi itkin düşmüşdür.
Fərrux yüksəkliyində itkin düşmüş Azərbaycan hərbçilərinin siyahısı:
[gallery columns="1" size="full" link="file" ids="39702"]
