2022/2023-cü tədris ili üçün kolleclərə 9 illik təhsil bazasında tələbə qəbulu elan edilir. Bu barədə aprelin 5-də Dövlət İmtahan Mərkəzindən (DİM) məlumat verilib.
Sənəd qəbulu aprelin 25-dək internet vasitəsilə aparılacaq.
Abituriyentlər “Şəxsi kabinet” yaratdıqdan sonra DİM-in müvafiq internet səhifəsində formanı doldurur və ərizəni təsdiq edirlər. Müsabiqədə iştirak ödənişlidir. İlk dəfə müraciət edənlərin qəbul imtahanında iştirakı pulsuzdur.
Aşağıdakı kateqoriyalardan olan vətəndaşların iştirakı dövlət büdcəsinin vəsaiti hesabınadır:
- Azərbaycanın ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları;
- şəhid ailəsinin üzvləri;
- valideynlərini itirmiş və valideyn himayəsindən məhrum olmuş uşaqlar;
- məcburi köçkün statusu olan şəxslər;
- I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.
Qəbul imtahanı və ixtisas seçimi ilə bağlı ətraflı məlumat almaq üçün linkdən istifadə etmək olar.
