12 mart 2023-cü il tarixində tam (11 illik) orta təhsil səviyyəsi üzrə buraxılış imtahanı keçiriləcək. Bu barədə 9 mart tarixində Dövlət İmtahan Mərkəzi məlumat verib.
İmtahan saat 11:00-da başlanır. İmtahanın başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmırlar.
Şagirdlər imtahana aşağıdakı sənədləri gətirməlidirlər:
- İmtahana buraxılış vərəqəsi;
- Şəxsiyyəti təsdiq edən sənədin əsli:
İmtahanda iştirak edəcək şagirdlər “İmtahana buraxılış vərəqəsi”ni internet vasitəsilə DİM-in saytından martın 3-dən etibarən çap edib götürə bilərlər.
Martın 12-də keçiriləcək imtahanda 50 823 şagirdin iştirakı gözlənilir.
Qeyd edək ki, martın 12-də Zəngilan rayonunun Ağalı kənd tam orta məktəbində də buraxılış imtahanı keçiriləcək. Bu, Dövlət İmtahan Mərkəzinin işğaldan azad olunan rayonlarda təşkil edəcəyi ilk imtahandır.
